Самарқанд давлат тиббиёт университети талабалари учун 620 ўринли ётоқхона фойдаланишга топширилди

Самарқанд давлат тиббиёт университетида давлат-хусусий шериклик асосида қурилган янги талабалар турар жойи 620 ўринга мўлжалланган.

Ушбу бино билан университет талабалари учун турар жойлар сони умумий 6 тага етади.

Шунингдек, тез кунларда ётоқхона ёнида маиший хизмат кўрсатиш маркази ишга туширилади. Марказ таркибида спорт билан шуғулланиш учун зал, кимёвий тозалаш шохобчаси, ателье, сартарошхона ҳамда ошхоналар талабаларга хизмат кўрсатиши режалаштирилган.