“Самарқанд” радиосининг кўпчиликка таниш сухандони - Эдуард Соколовский 82 ёшида вафот этди
Самарқанд вилоят телерадиокомпаниясининг рус тилидаги эшиттиришлари таҳририяти катта муҳаррири Эдуард Иванович Соколовский 1938 йилнинг 24 сентябрида Украинанинг Киев шаҳри яқинидаги Новгород Волинск қишлоғида туғилганди.
Иккинчи жаҳон уруши йилларида Соколовскийнинг оиласи Ўзбекистонга, Самарқанд шаҳрига эвакуация қилинган. У бу ерда ҳунар билим юртини битириб, радиотехник мутахассислигини эгаллайди.
Эдуард Ивановичнинг шундан кейинги ҳаёти ҳамда фаолияти бевосита Самарқанд вилоят телерадиокомпанияси билан боғлиқ кечди.
