Самарқандда яна ноқонуний олтин қазувчилар аниқланди
Давлат хавфсизлик хизмати вилоят бошқармаси ҳамда ИИБ ходимлари билан ҳамкорликда Пахтачи туманида таркибида олтин моддаси бўлган руда тошларини талон-тарож қилиш билан шуғулланувчи жиноий гуруҳ фаолиятига чек қўйилган.
Ўтказилган тезкор тадбирда, Пахтачи туманида яшовчи беш нафар фуқаро уйида таркибида олтин моддаси бўлган тошларни майдалаш ва қайта ишлаш билан шуғулланиб келаётганлиги аниқланган. Уларнинг хонаонидан 6,5 тоннадан зиёд таркибида олтин моддаси бўлган қум, тошлар ҳамда бошқа ашёвий далиллар (6 дона тош майдалаш тегирмони, 4 та қум ювиш мосламаси, электрон тарози) хужжатлаштирилган.
Ҳозирда, жиноий гуруҳ аъзоларига жиноят иши қўзғатилиши режалаштирилиб, суриштирув ҳаракатлари олиб борилмоқда.
