Самарқандга 4 та чиқинди ташувчи техникалар олиб келинди
Каттақўрғон туманидаги «Анваржон бизнес инвест» МЧЖга Хитойдан 4 та янги замонавий чиқинди ташувчи техника воситалари келтирилди.
Айни дамда туманда чиқинди ташиш бўйича аҳолига хизмат кўрсатиш 91 фоизга етган. Каттақўрғон, Нарпай ва Пахтачи туманларида хизмат кўламини 100 фоизга етказиш учун эса йил охирига қадар яна 4 та техника воситаси сотиб олиш кўзда тутилган.
Шунингдек, Осиё тараққиёт банки иштирокидаги «Қаттиқ маиший чиқиндиларни барқарор бошқариш» лойиҳаси доирасида харид қилинган 300 дона "Isuzu" русумли чиқинди йиғувчи махсус техникалар Экология вазирлиги томонидан республикамизнинг барча вилоятлардаги санитар корхоналарига 10 йил муддатга имтиёзли шартлар асосида лизингга берилмоқда.
