СамАвто – 20 ёшда!
Бундан йигирма йил аввал, 1999 йил март ойида Самарқанд шаҳрида замонавий автобуслар ишлаб чиқарилиб, Самарқанд автомобиль заводининг тижорий фаолияти бошланган эди. Дастлабки йилдаёқ заводда 2 русумдаги автобус, 3 русумдаги юк ташиш автомобиллари тайёрлаш йўлга қўйилди.
2007 йилда заводда Япониянинг “ISUZU Motors” компанияси шассиси асосида маҳсулотлар ишлаб чиқариш бошланди. Айни пайтда Самарқанд автомобиль заводида бир неча турдаги замонавий автобус, юк ва махсус атвомобиллар тайёрланмоқда. Энг муҳими, ўтган даврда самарқандлик автомобилсозлар ўз миллий маҳсулоти – LE60 паст шассили шаҳар автобусини яратиб, уни кенг кўламда ишлаб чиқармоқда.
Бугун Самарқанд автомобиль заводи ташкил этилганлигининг 20 йиллиги муносабати билан мазкур корхонада тадбирлар ўтказилиши кўзда тутилган.
