Taqdir sinovi: Yozuvchiga aylangan muallim
Qirq yoshli maktab o‘qituvchisida jarrohlik amaliyotiga berilmaydigan saraton kasalligi aniqlandi va unga bir yildan ortiq yashamasligini aytishdi. O‘qituvchi kuchli ingliz-sakson qavmidan edi, u faqat bir narsa haqida – o‘limidan so‘ng hech qanday tirikchiliksiz qolib ketadigan xotini va qizlari qanday kun ko‘rishi to‘g‘risida qayg‘ura boshladi.
U til va adabiyotdan dars berardi va nima bo‘lsa ham yaxshi bir roman yozib yaxshigina pul ishlab olishdan boshqa narsani o‘ylamasdi. Shunday ham qildi - u yaxshi o‘qiladigan romanni yozib sotuvga chiqardi. O‘quvchilarini o‘z shogirdlari va ularning ota-onalari ko‘rinishida namoyon qildi. Qahramonlar ham xuddi shu ruhda ifodalandi. Hayotni esa shaharlar chekkasidagi faqat mahalliy mehnatkashlar ko‘lamida tasvirladi.
Bu ish u uchun yangilik edi, u qiziqdi va kirishib ketdi. Belgilangan muddat o‘tayotgan bir paytda u shoshma-shosharlik bilan bu hunarni o‘zlashtirdi. U yuksak adabiyotga qiziqmasdi, faqat o‘z oilasiga mualliflik huquqini vasiyat qilishdan manfaatdor edi: axir ularning biror bir daromad manbai bo‘lishi kerak edi-da.
O‘ziga berilgan yilning oxiriga kelib Entoni Byorjess “Burab qo‘yilgan apelsin” romanini tarqatdi. Bir million ishlab oldi! Kitob ellik tilga tarjima qilindi.
Omad va o‘z oldiga qo‘yilgan vazifani bajargan o‘zida yo‘q xursand Byorjess yaxshigina ichib, mast holatda shifokor huzuriga bordi. Suratlarga qaragan, kasallik tarixini ko‘rib chiqqan doktorning ko‘zlari baqrayib qoldi. Byorjess butunlay sog‘aygan edi.
U yozuvchi bo‘ldi. Keyin yana ellikdan ortiq kitob yozdi. Musiqa ham yoza boshladi va 175 ta musiqa asari yaratdi. Hatto simfonik orkestr ham Byorjessning asarlariga buyurtma berardi....
Mixail Vellerning “Hikmat va kasb” kitobidan
B.Muhammadiyeva tarjimasi.
