Тожикистон Афғонистон билан чегарани қўриқлаш мақсадида 20 минг аскарни сафарбар этишни режалаштирмоқда

Бу ҳақда РИА Новости Тожикистон давлат раҳбари матбуот хизматига таяниб хабар берди.

Аввалроқ Толибон вакили афғон-тожик чегара ҳудудларининг 70 фоизи назоратга олинганини айтди. Толибонлар билан тўқнашувлар натижасида мингдан ортиқ афғон ҳарбийлари Тожикистон чегарасини кесиб ўтди.

Президент Имомали Раҳмон Мудофаа вазири Шерали Мирзога Хавфсизлик кенгаши йиғилишида ҳарбий кучларни сафарбар этишни буюрди, дея маълум қилди агентлик.

БМТнинг маълум қилишича, Толибон Афғонистондаги 370 тумандан 50 тасини эгаллаб олди. Аммо республикада вазият назоратдан чиқмайди, деб умид қилишмоқда.

АҚШ ва «Толибон» АҚШ қўшинларини мамлакатдан олиб чиқиш тўғрисидаги шартномани 2020 йил февраль ойида имзолаган эди. Режага кўра, Америка Қўшма Штатлари 1 майга қадар ўз контингентини олиб чиқиб кетиши керак эди, аммо Жо Байден Америка ҳарбийларини Афғонистондан олиб чиқиш 11 сентябрга қадар амалга оширилишини билдирди.