Тўполончи йўловчи сабаб Тошкентга самолёт фавқулодда қўндирилди
Кеча тунда, соат 23:31 да “Nordwind airlines” авиакомпаниясининг Москвадан Пухукетга учиб кетаётган “Boeing-777” самолёти Тошкентга фавқулодда қўндирилди. Бунга йўловчилардан бирининг ноўрин ҳаракатлари сабаб бўлган.
Қайд этилишича, йўловчининг агрессив ҳаракати парвоз хавфсизлигига таъсир ўтказган. Қоидабузар рейсдан тушириб қолдирилган ва самолёт қўшимча ёқилғи қуйиб олганидан сўнг парвозни давом эттирган.
Бу Россия авиакомпаниясининг Тошкент аэропортига мажбурий қўниш амалга оширилгани билан боғлиқ сўнгги икки кун давомидаги иккинчи ҳолат. "Аэрофлот" авиакомпаниясининг “Деҳли-Москва” рейсини амалга ошираётган А-330 самолёти Ҳиндистон фуқаросининг аҳволи ёмонлашгани сабабли Тошкентга қўнганди.
