Тошкент давлат аграр университети Самарқанд филиалига магистратурага имтиҳонлар бошланди

Бугун 2020-2021 ўқув йили учун Тошкент давлат аграр университети Самарқанд филиалига магистратура мутахассисликлари учун тест синови имтиҳонлари бошланди.

Имтиҳонлар жорий йилнинг 10-12 декабрь кунлари Самарқанд ветеринария медицинаси институти, ахборот-ресурс марказида 3 навбатда:

1-навбат соат 09:00 да;

2-навбат соат 12:00 да;

3-навбат соат 15:00 да бўлиб ўтади.

Тест саволлари мутахассислик фани ва инглиз тилидан Давлат тест маркази томонидан тайёрланган.

Ўзбекистон Республикаси таълим муассасаларига ўқишга қабул қилиш бўйича Давлат комиссияси мажлисининг 7-сон баёни қарорига мувофиқ филиалга магистратурага кириш учун 451 нафар талабгордан аризалар қабул қилинган. Уларнинг 40 нафари 11 та мутахассислик бўйича давлат гранти асосида ўқишга қабул қилинади.

Магистратурага қабул қилинганлар учун 2021 йилнинг 2 январидан анънавий тарзда дарслар бошланади.

Тошкент давлат аграр университети Самарқанд филиали ахборот хизмати.