Toshkent davlat agrar universiteti Samarqand filialiga magistraturaga imtihonlar boshlandi

Bugun 2020-2021 o‘quv yili uchun Toshkent davlat agrar universiteti Samarqand filialiga magistratura mutaxassisliklari uchun test sinovi imtihonlari boshlandi.

Imtihonlar joriy yilning 10-12 dekabr kunlari Samarqand veterinariya meditsinasi instituti, axborot-resurs markazida 3 navbatda:

1-navbat soat 09:00 da;

2-navbat soat 12:00 da;

3-navbat soat 15:00 da bo‘lib o‘tadi.

Test savollari mutaxassislik fani va ingliz tilidan Davlat test markazi tomonidan tayyorlangan.

O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi majlisining 7-son bayoni qaroriga muvofiq filialga magistraturaga kirish uchun 451 nafar talabgordan arizalar qabul qilingan. Ularning 40 nafari 11 ta mutaxassislik bo‘yicha davlat granti asosida o‘qishga qabul qilinadi.

Magistraturaga qabul qilinganlar uchun 2021 yilning 2 yanvaridan an’naviy tarzda darslar boshlanadi.

Toshkent davlat agrar universiteti Samarqand filiali axborot xizmati.