Тойлоқда фермер хўжалигининг ер майдонини сотмоқчи ва эгаллаб олмоқчи бўлган шахслар ушланди

Бош прокуратура ҳузуридаги Департаментнинг Тойлоқ туман бўлими томонидан тезкор тадбир ўтказилди.

Терговга қадар текширувда, “Л.З.” фермер хўжалиги иш юритувчиси А.Т. 9 нафар фуқарога хўжаликнинг жами 54 сотих суғориладиган ер майдонини эгалик қилиш ҳуқуқини берувчи қарор чиқартириб беришга ишонтириб, 46,5 млн сўмга сотиб юборганлиги, шунингдек, фуқаро Т.А. ўзбошимчалик билан эгалланган 6 сотих ер майдонида уй учун пойдевор қурганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) ва 229-1-моддаси (ер участкаларини ўз бошимчалик билан эгаллаб олиш) билан жиноят иши қўзғатилиб, тергов ҳаракатлари ўтказилмоқда.