Ургутда автомашина пиёданинг ҳаётига зомин бўлди
2023 йилнинг 20 август куни тунги соат 00:36 лар атрофида Ургут тумани Боғишамол МФЙ ҳудудидан ўтувчи 4Р-47 автомобиль йўлининг 59 км.да “Малибу-2” русумли транспорт воситаси ҳаракатланиб келаётган вақтида йўлнинг чап томонидан ўнг томонига ҳаракатланиб ўтаётган пиёдани уриб юбориб ЙТҲ содир этган. Бу ҳақда Самарқанд вилояти ИИБ ЖХХ ЙҲХБ ахборот хизмати хабар бермоқда.
Оқибатда пиёда ҳайдовчи томонидан зудлик билан тиббиёт бирлашмасига етказилган. Тиббиёт ходимларининг кўрсатган муолажаларига қарамасдан пиёда бевақт ҳаётдан кўз юмган.
Ҳолат юзасидан Жиноят кодексининг 266-моддаси 2-қисми билан жиноят иши қўзғатилган.
