Urgutda avtomashina piyodaning hayotiga zomin bo‘ldi
2023 yilning 20 avgust kuni tungi soat 00:36 lar atrofida Urgut tumani Bog‘ishamol MFY hududidan o‘tuvchi 4R-47 avtomobil yo‘lining 59 km.da “Malibu-2” rusumli transport vositasi harakatlanib kelayotgan vaqtida yo‘lning chap tomonidan o‘ng tomoniga harakatlanib o‘tayotgan piyodani urib yuborib YTH sodir etgan. Bu haqda Samarqand viloyati IIB JXX YHXB axborot xizmati xabar bermoqda.
Oqibatda piyoda haydovchi tomonidan zudlik bilan tibbiyot birlashmasiga yetkazilgan. Tibbiyot xodimlarining ko‘rsatgan muolajalariga qaramasdan piyoda bevaqt hayotdan ko‘z yumgan.
Holat yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.
