Яхши уйқуни таъминловчи 8 та осон усул

Уйқуга ётиш ҳамда уйғониш жадвалини тузинг. Бунинг учун ҳар куни бир вақтнинг ўзида ухлаш ва туриш керак бўлади. Иш кунларида ўзингиз учун белгилаб олганингиз бу меъёрдан бир соатга, дам олиш кунларида эса икки соатдан кўп бўлмаган вақтга четлашишингиз мумкин аммо ундан ортиқ эмас.

🔹 Кундуз куни иложи борича кўпроқ ёруғликда бўлинг. Уйда табиий ёруғлик етишмаса,  ёрқин оқ лампалардан фойдаланишингиз мумкин. Уйқуга ётишда эса ҳамма чироқларни ўчиришни унутманг.  Тўлиқ қоронғу хонада ухланг.

🔹 Хона ёруғлигини назорат қилинг. Уйқудан аввалги соатларда ёрқин чироқ нурларини уйқуга ёрдам берувчи тўқ сариқ рангга алмаштиринг. 

🔹 Уйқу пайтида хонадаги ҳар қандай ёруғлик мияга тонг отганлиги, уйғониш вақти бўлганлиги ҳақида янглиш сигнал узатади. Бу мияда ҳушёрликни ошириб уйқуни тартибга солувчи гормон, мелатонинни сўндиради. Шу сабабли қоронғу хонада ухланг. Хона ёруғ бўлса уйқу учун кўз боғичлардан фойдаланишингиз ҳам мумкин.

Тунда етарлича ухланг. Кун давомида уйқусираб юришни истамасангиз тунги уйқуга эътиборли бўлинг. Агар кундуз куни ухлаш истаги кучлилик қилса бу уйқу 20 дақиқадан кўпайиб кетмасин.

🔹 Овқатланиш жадвалингизни тузиб олинг. Ётишдан уч соат олдин овқатланмасликка ҳаракат қилинг.  Кунлик калориянинг асосий қисмини кундузги тамаддига юкланг.

🔹 Экран ва мобил қурилмалар қаршисида ўтказадиган вақтингизни бошқаринг. Уйқуга ётишдан икки соат аввал чироқларни ўчиринг ва мобил қурилмаларни ҳам четга суринг. Телевизорлар, планшетлар, телефон ва компютерлар махсус илова ва кўзойнаклардан фойдаланганда ҳам уйқу сифатига салбий таъсир кўрсатади.

🔹 Ётишдан олдин медитация билан шуғулланинг. Медитацияга бекорчи машғулот сифатида қарайдиганлар адашишади. Бу онг ва танани тинчлантиришнинг энг яхши усули.