Yaxshi uyquni ta’minlovchi 8 ta oson usul
Uyquga yotish hamda uyg‘onish jadvalini tuzing. Buning uchun har kuni bir vaqtning o‘zida uxlash va turish kerak bo‘ladi. Ish kunlarida o‘zingiz uchun belgilab olganingiz bu me’yordan bir soatga, dam olish kunlarida esa ikki soatdan ko‘p bo‘lmagan vaqtga chetlashishingiz mumkin ammo undan ortiq emas.
🔹 Kunduz kuni iloji boricha ko‘proq yorug‘likda bo‘ling. Uyda tabiiy yorug‘lik yetishmasa, yorqin oq lampalardan foydalanishingiz mumkin. Uyquga yotishda esa hamma chiroqlarni o‘chirishni unutmang. To‘liq qorong‘u xonada uxlang.
🔹 Xona yorug‘ligini nazorat qiling. Uyqudan avvalgi soatlarda yorqin chiroq nurlarini uyquga yordam beruvchi to‘q sariq rangga almashtiring.
🔹 Uyqu paytida xonadagi har qanday yorug‘lik miyaga tong otganligi, uyg‘onish vaqti bo‘lganligi haqida yanglish signal uzatadi. Bu miyada hushyorlikni oshirib uyquni tartibga soluvchi gormon, melatoninni so‘ndiradi. Shu sababli qorong‘u xonada uxlang. Xona yorug‘ bo‘lsa uyqu uchun ko‘z bog‘ichlardan foydalanishingiz ham mumkin.
Tunda yetarlicha uxlang. Kun davomida uyqusirab yurishni istamasangiz tungi uyquga e’tiborli bo‘ling. Agar kunduz kuni uxlash istagi kuchlilik qilsa bu uyqu 20 daqiqadan ko‘payib ketmasin.
🔹 Ovqatlanish jadvalingizni tuzib oling. Yotishdan uch soat oldin ovqatlanmaslikka harakat qiling. Kunlik kaloriyaning asosiy qismini kunduzgi tamaddiga yuklang.
🔹 Ekran va mobil qurilmalar qarshisida o‘tkazadigan vaqtingizni boshqaring. Uyquga yotishdan ikki soat avval chiroqlarni o‘chiring va mobil qurilmalarni ham chetga suring. Televizorlar, planshetlar, telefon va kompyuterlar maxsus ilova va ko‘zoynaklardan foydalanganda ham uyqu sifatiga salbiy ta’sir ko‘rsatadi.
🔹 Yotishdan oldin meditatsiya bilan shug‘ullaning. Meditatsiyaga bekorchi mashg‘ulot sifatida qaraydiganlar adashishadi. Bu ong va tanani tinchlantirishning eng yaxshi usuli.
