343 ta qabristonga 2235 tup manzarali daraxt ko‘chati ekildi
Viloyat hokimligi tashabbusi bilan mart oyi davomida haftaning shanba va yakshanba kunlari barcha shahar va tumanlardagi qabristonlarda hashar tashkil etilmoqda.
O‘zbekiston musulmonlari idorasi viloyat vakilligi bergan ma’lumotga ko‘ra, 9-10 mart kunlari 343 ta qabristonda hashar o‘tkazilib, unda 20 mingdan ortiq fuqaro ishtirok etdi. Ikki kun davom etgan hasharda 2235 tup manzarali daraxt ko‘chati ekildi. Shuningdek, 5500 tup daraxt oqlandi va 1537 ta qabr usti somonli loy bilan qoplandi.
Hasharda obodonlashtirish, tozalik ishlarida tashkilotchilar, mahalla ahli ishtirok etdi. Natijada, hudud shox-shabbalardan, chiqindilardan tozalanib, ariq yo‘llari ochildi.
