5 yanvardan "Dinamo"da xorvatiyalik murabbiy ish boshlaydi
Xalq deputatlari Samarqand viloyati Kengashi sessiyasida viloyat aholisiga murojaatnoma yo‘llagan E.Turdimov sessiyadan so‘ng matbuot anjumani o‘tkazdi.
Turdimov anjuman davomida viloyat futboliga ham to‘xtalib o‘tdi:
"Superligaga yo‘llanma olgan «Dinamo» jamoasiga xorvatiyalik murabbiy olib kelinmoqda. U 5 yanvardan ishga kirishadi.
«Dinamo» bilan o‘tgan mavsumda qolgan jamoalardan kam pul sarflab ham Superligaga yo‘llanma oldik. Kelasi mavsumda ikmon qadar jiddiyroq e’tibor qaratamiz», dedi Turdimov.
Shuningdek, viloyat hokimi jurnalist va blogerlarning Samarqandda turizmni rivojlantirish, jamoat transporti xizmati sifatini oshirish, ta’lim va tibbiyot muassasalari moddiy-texnika bazasini mustahkamlash, yosh kadrlar tayyorlash bilan bog‘liq va boshqa savollariga javob berdi.
