Argentinada karantinga qarshi namoyishlar bo‘lib o‘tdi
Argentinaning bir qancha hududida hukumat qarorlariga va karantinga qarshi norozilik namoyishlari bo‘lib o‘tdi. Bu haqda TN telekanali xabar berdi.
Eng ko‘p norozilik namoyishlari mamlakat poytaxti Buenos-Ayresda kuzatildi. Boshqa hududlardan farqli o‘laroq, Argentina poytaxti 112 kundan buyon qat’iy karantinga olingan.
Bundan tashqari, mamlakatning Tukuman, Mendosa, Neuken, Santa-Fe, San-Xuan, Kordova kabi provinsiyalarida ozodlik uchun va korrupsiyaga qarshi namoyishlar bo‘lib o‘tdi.
9 iyul kuni Argentina mustaqillik bayramini nishonladi. Shu sababdan aynan bayram kuni odamlar qo‘llariga bayroq olib ko‘chaga chiqdilar va hukumatdan ularning huquqlarini hurmat qilishini talab qilishdi.
