Atambayevga bir umrlik qamoq jazosi xavf solmoqda
Qotillik va boshqa o‘ta og‘ir jinoyatlar bilan ayblanayotgan Qirg‘iziston sobiq prezidenti Almazbek Atambayevga bir umrlik qamoq jazosi xavf solishi mumkin. Bu haqda RIA Novostiga qonun himoyachisi Rita Karasartova xabar berdi.
Seshanba kuni Bosh prokuratura vakili xabariga ko‘ra, sobiq prezident Almazbek Atambayevga ommaviy tartibsizliklar uyushtirish, qotillik, qotillikka urinish, garovga ushlash va hukumat a’zosiga zo‘ravonlik ishlatish kabi ayblar qo‘yilganligi haqida bildirishnoma topshirilgan. Maxsus xizmat fikriga ko‘ra, Almazbek Atambayev davlat to‘ntarilishini uyushtirmoqchi bo‘lgan.
