Bog‘cha mudirasi 250 AQSh dollar pora bilan ushlandi
DXX va iqtisodiy jinoyatlarga qarshi kurashish departamentining Buxoro viloyati boshqarmalari xodimlari tomonidan hamkorlikda o‘tkazilgan tezkor tadbir davomida 27 fevral kuni soat 15:20 larda Buxoro shahrida joylashgan maktabgacha ta’lim muassasasi mudirasi, 34 yoshli R.F. jinoyat ustida qo‘lga olindi. Bu haqda Buxoro viloyati IIB axborot xizmati ma’lum qildi.
U muassasa oshpazi F.E.ning jiyani D.M.ni tarbiyachi vazifasiga ishga qabul qilish evaziga 250 AQSh dollari olgan vaqtida ushlangan.
Mazkur holat yuzasidan departamentning viloyat boshqarmasi tomonidan R.F.ga Jinoyat kodeksining 210-moddasi 1-qismi bilan jinoyat ishi qo‘zg‘atilgan.
