Bugun Vashingtonda Jo Baydenning inauguratsiyasi o‘tkaziladi

Bugun, 20 yanvar kunining ikkinchi yarmida Baydenning inauguratsiyasi (Toshkent vaqti bilan 22:00) o‘tkazilishi rejalashtirilgan.
AQShning amaldagi prezidenti Donald Tramp va uning rafiqasi Melaniya esa shu kuni Palm-Bichga (Florida) uchib ketadi.

Trampning bu rejasi Oq uy matbuot xizmati tomonidan ma’lum qilindi. Amerikaning ayni vaqtdagi rahbari Oq uydan erta tongda - mahalliy vaqt bilan soat 08:00da (Toshkent vaqti bilan 18:00) chiqib ketadi va Jo Baydenning inauguratsiya marosimini o‘tkazib yuboradi.

Bayden Trampning tadbirda qatnashmaslik haqidagi qarorini ma’qulladi.
Avvalroq, an’anaga ko‘ra, Bayden inauguratsiyadan bir kun oldin Oq uyning mehmonlar qarorgohi - Bler-xausga kelishi ma’lum bo‘lgan, siyosatchi o‘tgan hafta ushbu binoda qolish taklifini qabul qilgan edi.
Vashingtonda inauguratsiya munosabati bilan xavfsizlik choralari kuchaytirilgan. Oq uy va Kongressga tutash shahar markazining katta qismi transport harakati uchun yopiq. Kapitoliy tepaligi o‘rab olingan, kirish cheklangan.