Ertaga Samarqandda viloyat hokimi boshchiligida ommaviy yurish o‘tkaziladi
Aholi o‘rtasida sportning ommaviyligini oshirish va sog‘lom turmush tarzini targ‘ib etish maqsadida ertaga – 19 may kuni erta tongda Samarqand shahrida ommaviy yurish o‘tkaziladi.
Mazkur tadbirda viloyat hokimi hamda barcha boshqarma va idoralar rahbarlari, xodimlar, nuroniylar va yoshlar ishtirok etishi kutilmoqda.
Qatnashchilar viloyat musiqali teatri oldidan Universitet xiyoboni va Registon ko‘chasi bo‘ylab harakatlanadi. Shu munosabat bilan ushbu ko‘chalarda transport vositalari harakati vaqtincha cheklanishi mumkin.
