Android qurilmalar uchun Zarnews.uz mobil ilovasi. Yuklab olish x

Ishtixonda g‘allasi o‘rib olingan yer maydoni yonib ketdi

Kecha, 2Z iyun kuni soat 16:43 larda Ishtixon tumani favqulodda vaziyatlar bo‘limi 12-KYoKK navbatchilik qismiga «Murodobod» mahallasi hududida joylashgan fermerga tegishli bug‘doyi o‘rib olingan g‘alla maydonida yong‘in sodir bo‘layotgani to‘g‘risida xabar tushgan.
Soat 16:55 da yong‘in yuz berayotgan joyga tuman favqulodda vaziyatlar bo‘limidan 2 ta yong‘in o‘chirish ekipaji yetib borgan va yong‘in bartaraf etilgan.

Qayd etilishicha, yong‘in oqibatida, Ishtixon tuman Murodobod mahallasi Yangiobod qishlog‘ida yashovchi fuqaroga tegishli fermer xo‘jaligining 3 gektar g‘allasi o‘rib olingan maydondagi somon yonib ketgan. 1 gektar bug‘doyi o‘rilmagan va yana 3 gektar o‘rilgan maydon saqlab qolingan.

Ishtixon tuman FVB xabar berishicha, hozirda, mazkur yong‘inning kelib chiqish sabablari yuzasidan surishtiruv o‘tkazilmoqda.