OAV: Braziliyadagi qamoqxonadan 400 ga yaqin mahbus qochdi
Kecha, dushanba kuni kechqurun Braziliyaning Mongagua shahridagi qamoqxonadan 400 ga yaqin mahbus qochib ketdi, deb xabar bermoqda G1 portali.
Xabarga ko‘ra, yarim ochiq turdagi jazoni o‘tash muassasasida jinoyatchilar qamoqxona xodimlarini garovga olganlaridan so‘ng 400 ga yaqin maxbus qochib ketgan. Garovdagilar ayni vaqtgacha qo‘yib yuborilmagan, ularni qutqarish uchun politsiya jinoyatchilar bilan muzokaralar olib bormoqda.
Shu bilan birga, qochib ketgan jinoyatchilarni tutish uchun chora-tadbirlar ko‘rilmoqda.
Braziliyadagi bunday yarim ochiq qamoqxonalarda nazoratchilarga qurol berilmaydi.
