Oliy sud raisi ilg‘or paxtakorlarni rag‘batlantirdi
O‘zbekiston Respublikasi Oliy sudi raisi Kozimjon Komilov hamda viloyat va tuman sudlari raislari Kattaqo‘rg‘on tumanidagi “Mukarrama SBT” fermer xo‘jaligi dalalarida paxta terayotgan fuqarolar bilan uchrashdi. Eng ilg‘or terimchilarga esdalik sovg‘alari topshirildi.
Muzrob Sattorov rahbarlik qilib kelayotgan mazkur fermer xo‘jaligining 71 gektar yer maydoni bo‘lib, shuning 50 gektariga paxta ekilgan. Joriy mavsumda xo‘jalik davlatga 150 tonna paxta topshirishni rejalashtirgan.
