Qozog‘istondagi tabiiy yong‘inni o‘chirish davom etmoqda

Qozog‘iston sharqidagi Abay viloyatida yirik tabiiy yong‘inni o‘chirish davom etmoqda, kuchlar guruhi 1,8 ming kishiga oshirildi, aholi punktlariga xavf yo‘q, deb xabar qildi bugun Favqulodda vazirligi matbuot xizmati.

“O‘rmon yong‘inini o‘chirishga Favqulodda vaziyatlar vazirligi, O‘rmon xo‘jaligi qo‘mitasi, mahalliy ijro hokimiyati organlari va Mudofaa vazirligidan 1800 dan ortiq kishi, 350 ga yaqin texnika jalb etilgan”, deyiladi xabarda.

Uchuvchisiz uchish apparati yordamida havo vizual razvedkasi natijalariga ko‘ra, Kashtak o‘rmon xo‘jaligidan Semey shahri tomon yo‘nalishda yong‘in kuzatilgan. Tezkor chora-tadbir va o‘z vaqtida ko‘rilgan chora-tadbirlar natijasida aholi punktlarida yong‘in tarqalishining oldi olindi, deyiladi xabarda.

Abay viloyatida tabiiy yong‘in 8 iyundan beri davom etmoqda. Yong‘in maydoni 60 ming gektardan 43 ming gektargacha qisqartirildi. 14 kishi tabiiy ofat qurboni bo‘ldi, ularning barchasi qo‘riqxonaning Novoshulbinsk filiali xodimlaridir.