Samarqandda dekabr oyida “Konstitutsiyani o‘rganamiz va unga amal qilamiz!” shiori ostida oylik e’lon qilindi

Bugun o‘tkazilgan hokimlik soatida viloyat hokimi E.Turdimov ana shunday taklifni bildirdi.

Oylik davomida joylarda aholining barcha qatlamlari o‘rtasida Bosh qomusimiz mazmun-mohiyati yuzasidan davra suhbatlari, uchrashuvlar va ma’naviy tadbirlar uyushtiriladi. Bu ishga adliya, madaniyat boshqarmalari, ma’naviyatchilar, ijodkorlar va tajribali huquqshunoslar jalb etiladi.

Umumta’lim maktablari, akademik litseylar, kasb-hunar ta’limi muassasalari va oliy o‘quv yurtlari o‘quvchi va talabalari o‘rtasida “Konstitutsiya bilimdoni” ko‘rik-tanlovi o‘tkaziladi.

Tanlov g‘oliblari oylik yakuniga ko‘ra, viloyat hokimligi tomonidan rag‘batlantiriladi. Shuningdek, g‘oliblar uchun O‘zbekiston Respublikasi Oliy Majlisi Senati va Qonunchilik palatasiga sayohat uyushtirish ham ko‘zda tutilgan.