Samarqandda madaniyat rivojlanyaptimi?

Samarqand shahridagi “Yoshlar markazi”da Samarqand viloyat madaniyat boshqarmasining kengaytirilgan yig‘ilishi bo‘lib o‘tdi.

Unda boshqarma xodimlari, shahar, tuman madaniyat bo‘limlari mudirlari, bolalar musiqa va san’at maktablari direktorlari ishtirok etdi.

Tadbirda viloyat madaniyat boshqarmasining 2018 yil faoliyati yakunlari tahlili va 2019 yilgi ustuvor vazifalar, viloyatga madaniyat va san’at sohasini rivojlantirishga qaratilgan xorijiy investitsiyalarni kiritish, bolalar musiqa va san’at maktablari “Direktorlar kengashi”ning 2019 yildagi vazifalari to‘g‘risida so‘z yuritildi.

Shuningdek, tadbirda so‘zga chiqqan Samarqand viloyat madaniyat boshqarmasi boshlig‘i B.Sharofov bugungi kunda madaniyat va san’at muassasalarining moddiy texnika bazasini mustahkamlash, milliy san’atimizni rivojlantirish bo‘yicha amalga oshirilishi lozim bo‘lgan ishlar, madaniyat markazlari faoliyatiga to‘xtalib o‘tdi.

Nasiba JONTO‘RAYEVA.