Shavkat Mirziyoyev Birinchi Prezident qabrini ziyorat qildi (foto)
Prezident matbuot xizmatining xabar berishicha, davlatimiz rahbari mamlakatimizning Birinchi Prezidenti Islom Karimov qabriga gul qo‘yib, uning xotirasiga hurmat bajo keltirdi.
Qur’on tilovat etilib, marhumning haqiga duo qilindi.
Nuroniylar, ulamolar bilan suhbatda Islom Karimovning xalqimiz, davlatimiz manfaati yo‘lidagi xizmatlari, insoniy fazilatlari yodga olindi.
