Tarixdagi eng uzun futbol: O‘yin 910:725 hisobi bilan tugagan

Futbol o‘yinining standart davomiyligi 90 daqiqa (albatta, ortiqcha bir necha qo‘shimcha daqiqalar beriladi). Bundan tashqari, agar asosiy vaqt durang bilan tugasa, ikkita qo‘shimcha 15 daqiqalik taym talab qilinadi. Bu uzoq davom etgan penaltilar seriyasiga qadar bo‘lishi mumkin.

Har qanday holatda ham 3 soatdan ortiq davom etadigan rasmiy uchrashuvni tasavvur qilish qiyin. Biroq, norasmiy o‘yin bir necha kun davom etishi mumkin.
2015 yilning yozida Buyuk Britaniyaning Sautgempton shahridagi "Sent-Meris" stadionida bo‘lib o‘tgan eng uzun futbol o‘yinini ingliz xayriya tashkilotlaridan biri tashkil qildi. Tashkilot vakillari ikki jamoaga bo‘lindi. Havaskor futbolchilar maydonda oz emas-ko‘p emas, naqd 102 soat o‘ynashdi!

Albatta, o‘yinchilarga ovqatlanish, dam olish va tiklanib olishi uchun tanaffuslar berildi.
O‘yin 910:725 hisob bilan yakunlandi. Tashkilotchilarning ushbu o‘yinni tashkil qilishdan maqsadi bahs davomida yig‘iladigan pullarni xayriya maqsadlarda sarflash g‘oyasi undagan. Va yaxshi natijalarga erishildi: noodatiy shou 25 ming funt-sterling (33 ming AQSh dollari atrofida) mablag‘ yig‘ib berdi.

B.Muhammadiyeva tayyorladi.