Xorij voqealari qisqa xabarlarda: Falastin mojarosi Rafahdagi vaziyat xavotirli. Qozog‘istonda niqob rejimi qaytmoqda
![](https://static.zarnews.uz/crop/2/e/720__80_2e7f1bc2c613745c8bf9a4b1087c090e.jpg?img=self&v=1707479165)
🔹 Valeriy Zalujniyning Ukraina Qurolli Kuchlari bosh qo‘mondoni lavozimidan chetlatilishini “urushning yangi, hal qiluvchi bosqichi” sifatida baholash mumkin, deb yozadi The Economist va Ukraina prezidenti Vladimir Zelenskiy xato qilish xavfi borligini ta’kidlaydi. Zelenskiyning asosiy maqsadi Rossiya tomonidan bosib olingan mamlakat hududlarini qaytarish bo‘lsa, Zalujniy hozirgi vaziyatda resurslar va askarlar hayotini saqlab qolish zarurligini gapirib kelmoqda, deb yozadi jurnal.
🔹 "G‘azo aholisining yarmi hozir Rafahda qamalda qolgan. Ularning boradigan joyi, uyi, umidlari ham yo‘q", - degan BMT Bosh kotibi Antoniu Guterrish G‘azo sektori janubidagi vaziyatdan xavotir bildirib. Isroil bosh vaziri Binyamin Netanyaxu hudud “xavfsiz” deb e’lon qilinganiga, 1,5 million odam u yerdan boshpana topganiga qaramay, hujum Rafahgacha davom etishini aytgan. Bir kun avval HAMAS delegatsiyasi o‘t ochishni to‘xtatish kelishuvini muhokama qilish uchun Misrga jo‘nab ketgan. Misr Isroilni g‘azoliklarning Rafahdan Misrga ko‘chib o‘tishi, shaharda keng ko‘lamli operatsiya boshlansa, Misr va Isroil o‘rtasidagi tinchlik kelishuvi bekor qilinishi haqida ogohlantirgan.
🔹 Payshanba kuni Qozog‘iston parlamenti quyi palatasi binosida koronavirus bilan bog‘liq vaziyat tufayli niqob taqish rejimi joriy etildi, gavjum joylarda niqob taqish tavsiya etiladi, tibbiy tashkilotlarda majburiy.
🔹 Eron oliy rahbari Oyatulloh Ali Humayniyning Facebook va Instagram ijtimoiy tarmoqlaridagi akkauntlari bloklandi. Kompaniyaning “xavfli tashkilot va shaxslar”ga nisbatan siyosatini buzgani shunday choralar uchun ko‘rilgan. Humayniyning ikkita ijtimoiy tarmoqda fors va ingliz tillarda akkauntlari bor. Fors tilida besh milliondan ortiq, ingliz tilida 200 mingdan ortiq obunachisi bor.
🔹 Forbes ro‘yxatidagi milliarder, Alisher Usmonovning sobiq sherigi Vasiliy Anisimov Rossiya fuqaroligidan voz kechgan. Ma’lumotlarga ko‘ra, Anisimov Dominika iqtisodiyotiga 600 ming dollar va Xorvatiyaga 11 million dollar sarmoya kiritgan.
🔹 Gruziyaning Rustavi shahridagi Istanbul bozorida o‘q ochish oqibatida 4 kishi halok bo‘lgan. 1988 yilda tug‘ilgan o‘t ochgan shaxs qo‘lga olingan.
🔹 X ijtimoiy tarmog‘ida Vladimir Putinning amerikalik jurnalist Taker Karlson bilan suhbati ko‘rishlar soni 70 milliondan oshgan.