Вирус юқтирган қашқадарёлик ўсмир ҳақида маълумот берилди
Қашқадарё вилояти Соғлиқни сақлаш бошқармаси бошлиғи Дониёр Турсунов вирус юқтирган 14 ёшли беморнинг Қашқадарё вилояти, Чироқчи туманида истиқомат қилишини тасдиқлади.
Дониёр Турсуновга кўра, бемор коронавирусдан вафот этган иккинчи фуқаро билан Тошкент шаҳрида мулоқотда бўлган.
Ҳозирда у Қарши шаҳридаги юқумли касалликлар шифохонасида даволанмоқда.
14 ёшли беморнинг яқинлари ва оила аъзолари карантинга олинди.
