Бугун Ўзбекистон миллий терма жамоаси Ироқ футболчиларига қарши ўртоқлик ўйини ўтказади
Футбол бўйича Ўзбекистон миллий терма жамоаси айни кунларда Иорданияда ўқув машғулоти йиғинларини ўтказмоқда.
Бугун жамоамиз Ироққа қарши ўртоқлик учрашувида майдонга тушади.
Ўйин Иорданиянинг Амман шаҳридаги “Қирол Абдулла II” стадионида бўлиб ўтади.
Баҳс Тошкент вақти билан соат 21:00да бошланади ва “Спорт” канали орқали тўғридан-тўғри намойиш этилади.
Эслатиб ўтамиз, жаҳон чемпионати саралаш босқичининг дастлабки турида вакилларимиз сафарда Фаластинга 0:2 ҳисобида имкониятни бой берган эди.
