Андроид қурилмалар учун Zarnews.uz мобил иловаси. Юклаб олиш x

Дунёда ҳар ўн боладан бири ишлашга мажбур

БМТнинг Болалар жамғармаси – ЮНИСЕФ болалар меҳнатига қарши курашни кучайтиришга чақирди. Ташкилот маълумотига кўра, дунё бўйича 152 миллион бола (деярли ҳар ўн боладан бири) оиласига ёрдам бериш учун ишлашга мажбур, деб ёзмоқда azon.uz.

Бу болаларнинг деярли ярми – 73 миллион нафари хавфли шароитларда ишлайди.

Ишчи болаларнинг энг кўпи Африкага (72 млн) ва Осиёга (62 млн) тўғри келади. Ишлайдиган болаларни иқтисодиётнинг барча тармоқларида учратиш мумкин, лекин етмиш фоизи қишлоқ хўжалигида тер тўкади.

Шунингдек, ЮНИСЕФ ҳукуматларни болалар меҳнатининг сабаблари: қашшоқлик ва таълим имкониятининг йўқлигига қарши фаол курашишга чақирди.

Қайд этилишича, ишчи болалар сони ўн йил ичида 246 миллиондан 152 миллионга тушган.