Марадонанинг ўлимига ўткир юрак етишмовчилиги сабаб бўлган
Аргентиналик футболчиси Диего Марадонанинг ўлимига ўткир юрак етишмовчилиги сабаб бўлди, дея хабар берди TN ТВ 26 ноябрь куни мурдани ёриб кўриш натижаларига асосланиб.
Маълумотларга кўра, Марадонада ўткир ўпка шиши юзага келган. Бундан ташқари, у кенгайган кардиомиопатия (девор қалинлиги ошмаган ҳолда юрак бўшлиғининг шикастланиши ва юрак қисқариш функциясининг бузилиши) билан оғриган.
60 ёшли Марадонанинг 25 ноябрда вафот этгани маълум бўлди. Спортчи Тигре шаҳридаги Сан-Андрес ҳудудидаги уйида операциядан сўнг тикланаётганида юрак хуружидан вафот этди.
Аргентина ҳукумати собиқ футболчининг вафоти муносабати билан уч кунлик мотам эълон қилди. УЕФА чемпионлар лигаси ва Европа лигаси ўйинларини бир дақиқалик сукут билан бошлашга қарор қилди. Футбол бўйича уч карра жаҳон чемпиони Пеле Марадонанинг ўлимига куйинар экан, «Қачондир улар осмонда бирга футбол ўйнашларига» ишонч билдирди.
Диего Марадона 1960 йилда Буенос-Айресда туғилган эди. Аргентина миллий терма жамоаси сафида 91 учрашувда майдонга тушиб, 34 гол урган. 1986 йилги жаҳон чемпиони. Кейинчалик Марадонага шон-шуҳратни Англияга қўл билан урилган голи келтирди. Ҳакам қоидалар бузилишини қайд қилмади. Ушбу гол трибунада жанжалга сабаб бўлди. Ўйиндан сўнг Марадона "Мен тўпга тегмаган эдим, бу Худонинг қўли эди", деди.
Г.ХОЛДОРОВА тайёрлади.
