Андроид қурилмалар учун Zarnews.uz мобил иловаси. Юклаб олиш x

“Қизил китоб”га киритилган кийик шохларини хорижга олиб чиқаётган фуқаро ушланди

Сурхондарё вилояти божхона бошқармаси “Сариосиё” чегара божхона пости “Боботоғ” чегара божхона пункти орқали қўшни давлатга чиқаётган фуқаро Қ.А. белгиланган тартибда божхона назоратидан ўтказилди. Бу ҳақда Давлат божхона қўмитаси ахборот хизмати хабар бермоқда.

Натижада, фуқарога тегишли сумка ичидан тегишли рухсатномаси бўлмаган, декларацияланмаган ва оғзаки сўровда айтилмаган 3 дона “Ўзбекистон Республикаси Қизил китоби”га киритилган кийик (хонгул, Бухоро буғуси) шохлари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.