Android qurilmalar uchun Zarnews.uz mobil ilovasi. Yuklab olish x

O‘zbekiston Respublikasi Bandlik va mehnat munosabatlari vazirligining Samarqand shahridagi kasb-hunarga o‘qitish markazi o‘qishga taklif etadi

Markaz Koreya xalqaro hamkorlik agentligi (KOICA)ning grantini jalb qilgan holda 2016 ylda tashkil etilgan. 

Markazda avtomobillarni ta’mirlash va ularga texnik xizmat ko‘rsatish (avtoslesarlar, motoristlar, avtomobillar diagnostikasi bo‘yicha mutaxassislar); payvandlash va chilangarlik ishlari (payvandchilar, chilangarlar va metallarga ishlov berish mutaxassislari); elektrotexnika va elektronika (elektrik, elektron va maishiy texnikani, radio va teleapparaturani ta’mirlash va ularga servis xizmati ko‘rsatish mutaxassislari); axborot texnologiyalari (hisoblash mashinalari operatorlari, kompyuterlar va boshqa tashkiliy texnikaga xizmat ko‘rsatish va ularni ta’mirlash); mashinasozlik texnologiyasi, mashinasozlik ishlab chiqarish jihozlari va ularni avtomatlashtirish (texnik-texnolog, keng profilli dastgohchi, sonli dasturli boshqarish stanoklari avtomatik va yarim avtomatik tizimlar operatori); kompyuter grafikasi va multimediya  tizimlari texnigi (kompyuter grafikasi  dizayneri, multimediya tizimlari texnigi) bo‘yicha kasb-hunarga tayyorlash va qayta tayyorlash amalga oshiriladi.

Mashinasozlik texnologiyasi, kompyuter grafikasi kasblari bo‘yicha o‘qitish KOICAning RRR loyihasi asosida Koreyaning  Keimyung College University bilan hamkorlikda tashkil etilyapti va hozirda birinchi qabul o‘tkazilmoqda.

Markazda kasb-hunarga o‘qish muddati 8 oy, shundan Markazda o‘qish – 6 oy, korxonalarda ishlab chiqarish amaliyoti – 2 oy.

Markazda o‘qiyotgan talabalar uchun  6 oy mobaynida Bandlikka ko‘maklashish markazlari tomonidan Bazaviy hisoblash miqdorida stipendiya  beriladi.

Bitiruvchilarga egallagan kasbi (mutaxassisligi) bo‘yicha mehnat faoliyatini amalga oshirish huquqini beruvchi davlat namunasidagi diplom beriladi.

Boshqa viloyatlardan kelgan talabalar bepul yotoqxona bilan ta’minlanadi.

Markazda eng zamonaviy o‘quv-laboratoriya jihozlari, uskuna va dastgohlar, o‘quv qurollari Koreya Respublikasidan olib kelib o‘rnatilgan. Mehnat bozorida yuqori talabga ega bo‘lgan kasblar va mutaxassisliklar bo‘yicha korxonalar bilan tuzilgan shartnomalar asosida qisqa muddatli  o‘qitish kurslari ham tashkil etilgan.

O‘quv markazining o‘ziga xosligi shundan iboratki, barcha yo‘nalishlar bo‘yicha O‘zbekiston davlat ta’lim standartlari talablari asosida jahon tajribasini inobatga olgan holda butunlay yangi o‘quv rejalari va dasturlari tayyorlangan va amalga oshirilmoqda.

Markaz o‘tgan 3 yil davomida jami 1124 nafar bitiruvchilarga chiqardi, ularning 95,3%  bandligi ta’minlandi. Samarqandddagi yirik korxonalar tomonidan bitiruvchilar ishga qabul qilingan, jumladan, MAN-Auto Uzbekistan qo‘shma korxonasiga 69 nafar, Samarqand Avtomobil zavodiga 24 nafar, UzAuto-Trailer korxonasiga 16 nafar, SamFerry  korxonasiga 21 nafar bitiruvchilarning ishga joylashishi Markazning sanoat korxonalari bilan o‘zaro hamkorlikda olib borilayotgan ijobiy ishlaridan hisoblanadi.

Bitiruvchilarni ishga joylashish imkoniyatlarini yanada oshirish maqsadida o‘z kasbi doirasida ixtisoslashtirishni yo‘lga qo‘yish, xorijiy tillarni o‘rgatish (koreys, ingliz, yapon va rus tillari),  haydovchilik guvohnomasi berish, o‘z biznesini tashkil qilishga o‘rgatish (markazda Yosh tadbirkorlar maktabi va Startap inkubatori) tashkil qilingan.

Markazda yuqori malakaga ega bo‘lgan 18  nafar  ishlab chiqarish ta’limi ustalari  va 2 nafar Janubiy Koreyalik volontyor o‘qituvchilar faoliyat yuritib kelmoqda. Ishlab chiqarish ta’limi ustalaridan bir nafari PhD (falsafa doktori) ilmiy darajasi, 4 nafari magistr va 3 nafari II toifaga ega.

Koreya ta’lim va texnologiyalar universitetining 5 nafar professor ekspertlari tomonidan tanlab olingan 9 nafar ishlab chiqarish ta’limi ustalari 2 oy mobaynida Koreya Respublikasida malaka oshirish kurslarida ishtirok etishgan.  

Markaz O‘zbekistondagi 70 dan ortiq korxona va tashkilotlar, 10 dan ortiq  oliy ta’lim muassasalari va 6 ta Koreya universitetlari bilan yaqin hamkorlikni yo‘lga qo‘ygan. Bu esa markaz bitiruvchilariga yetakchi sanoat korxonalarida ishlash, nafaqat respublikamiz, balki Koreya Respublikasi universitetlarida ham o‘z o‘qishlarini davom ettirish imkoniyatini beradi.

Markazda o‘qish uchun quyidagi hujjatlar talab etiladi:

- ariza;

- pasport nusxasi (hujjatlarni topshirish vaqtida pasportning asl nusxasi ko‘rsatiladi);

- o‘rta yoki o‘rta-maxsus ma’lumoti to‘g‘risidagi diplomi (attestati);

- ishga joylashtirishni kafolatlovchi uch tomonlama (ish beruvchi, tuman (shahar) Bandlikka ko‘maklashish markazi, jismoniy shaxs) shartnoma nusxasi;

- tuman (shahar) Bandlikka ko‘maklashish markazi tomonidan berilgan yo‘llanma;

- 3,5 x 4,5 sm o‘lchamdagi 4 dona rangli fotosurat.

Hujjatlar 2019 yil  10 iyuldan 10 avgustgacha qabul qilinadi. Hujjatlarni elektron pochta orqali yuborish ham mumkin.

    Manzil: Samarqand shahar,  Spitamen ko‘chasi, 264-“a” uy.

   Murojaat uchun telyefonlar: (99866) 221-73-62; (99866) 221-72-62.

   Mo‘ljal: SamDU Pedagogika fakulteti.

   Marshrutlar: 4, 12, 16, 32, 35, 66, 85, 97, 99 avtobuslar.

              Web sayt: www.samarkand-vtc.uz

              Ye-mail: [email protected]

            Qabul to‘g‘risidagi to‘liq ma’lumotlarni Markaz veb-saytidan olishingiz mumkin.

KASB O‘RGANMOQChIMISIZ? MARHAMAT BARChA IMKONIYaLARGA EGA O‘QUV MARKAZI SIZNI KUTADI!

Reklama huquqi asosida