Xitoyda portlash sodir bo‘ldi
11 sentyabr kuni Xitoy janubidagi Chjuxay shahrida, mehmonxona yonida kuchli portlash sodir bo‘ldi. Bu haqda Xitoy markaziy televideniyesi xabar berdi.
Taqdim etilgan ma’lumotga ko‘ra, voqea mahalliy vaqt bilan soat 09:00 (06:00 Toshkent vaqti)da ro‘y bergan. Ko‘plab jarohatlanganlar haqida tarqatilgan ma’lumotlarga qaramasdan, turli tan jarohatlari bilan uch kishi kasalxonaga yotqizilgan.
“Bugun ertalab Doumen tumanidagi mehmonxona yonida gaz portlashi sodir bo‘ldi. Yon atrofda joylashgan tijorat va turar joy binolari turli darajada shikastlandi”, deyildi telekanal xabarida.
Shuningdek, voqea joyida 11 nafar o‘t o‘chirish guruhi faoliyat olib borayotgani va qidiruv-qutqaruv ishlari davom etayotgani haqida ma’lum qilindi.
