Android qurilmalar uchun Zarnews.uz mobil ilovasi. Yuklab olish x

Xorijda doktorantura va magistratura dasturlari doirasida ta’lim olish uchun tanlov e’lon qilindi

Xalq ta’limi vazirligi O‘zbekiston Respublikasi Vazirlar Mahkamasi huzuridagi mutaxassislarni xorijda tayyorlash va vatandoshlar bilan muloqot qilish bo‘yicha «El-yurt umidi» jamg‘armasi orqali xorijda tahsil olish uchun nomzodlarni saralab olish maqsadida stipendiya tanlovini e’lon qildi.

Mazkur tanlovda ishtirok etish uchun xalq ta’limi tizimidan nomzodlarni O‘zbekiston Respublikasi Xalq ta’limi vazirligi tomonidan ro‘yxatga olish boshlandi.

Xorijda doktorantura va magistratura dasturlari doirasida ta’lim olmoqchi bo‘lgan nomzodlar joriy yilning 7 oktyabr kuni soat 18.00ga qadar ma’lumotlarni quyidagi havolada keltirilgan shakl orqali taqdim etishlari lozim.

Stipendiya tanlovi talablari to‘g‘risidagi batafsil ma’lumotlarni https://eyuf.uz/ sayti orqali olish mumkin.