Magistraturaga kirish imtihonlari natijalari bugun e’lon qilinadi
2020/2021 o‘quv yiliga respublika oliy ta’lim muassasalarining magistratura mutaxassisliklariga kirish imtihonlari natijalari tegishli oliy ta’lim muassasalarining rasmiy veb-saytlarida e’lon qilinadi.
Respublika oliy ta’lim muassasalarining magistratura mutaxassisliklariga abituriyent sifatida hujjat topshirib, kirish imtihonlari (onlayn test sinovlari)da ishtirok etgan abituriyentlar o‘zlarining natijalari bilan tegishli oliy ta’lim muassasasining rasmiy veb sayti orqali joriy yilning 7 oktyabr kuni soat 17:00 dan boshlab tanishishlari mumkin.
Oliy va o‘rta maxsus ta’lim vazirligi talabalikka tavsiya etilgan abituriyentlardan tegishli oliy ta’lim muassasalariga murojaat qilishlarini so‘ragan.
