Magistraturaga kirish imtihonlari 3-20 avgust kunlari o‘tkaziladi
Bu haqda DTM telegram kanalida e’lon qilindi.
Davlat komissiyasining 1-son bayoniga muvofiq:
Oliy va o‘rta maxsus ta’lim vazirligi tomonidan 2020 yil 25 iyunga qadar magistraturaga kirish sinovlari uchun tegishli mutaxassisliklar sohalarida talabgorlarning ilmiy-pedagogik layoqati (yoki ilm olish qobiliyati)ni hamda xorijiy tilni bilish darajasini aniqlaydigan testlar bazasi (to‘plami) shakllantiriladi.
2020-2021-o‘quv yili uchun magistraturaga kirish imtihonlari 2020 yil 3-20 avgust kunlari o‘tkaziladi.
Eslatib o‘tamiz, magistratura imtihonlari uchun ro‘yxatdan o‘tish Oliy va o‘rta maxsus ta’lim vazirligining rasmiy veb-sayti (www.edu.uz) orqali 1 iyuldan 30 iyulgacha amalga oshiriladi.
