Вилоят касаба уюшмаси кенгаши барча журналистларни танловга чорлайди!
Ўзбекистон касаба уюшмалари ҳаракатиниг 120 йиллиги муносабати билан Касаба уюшмалари Федерациясининг Самарқанд вилоят кенгаши ва тармоқ касаба уюшмалари “Касаба уюшмалари фаолиятини ёритган энг фаол журналист” вилоят танловини эълон қилади.
Танловга касаба уюшмалари фаолиятини ўзида мужассам этган ижодий ишлар қабул қилинади.
Танловга қабул қилинган материалларда айни пайтда касаба уюшмалари томонидан олиб борилаётган ишлар, ишчи-ходимларни ҳуқуқ ва манфаатларини таъминлаш борасидаги фаолиятни таҳлилий ёритиш, жойларда олиб борилаётган жамоатчилик назоратлари кўрсатиб берилганлиги, мазмун-моҳияти ва тарғиботи акс этганига алоҳида эътибор қаратилади.
Танлов иштирокчилари ҳар бир тармоқ касаба уюшмаси бўйича алоҳида учта ўринда аниқланади ҳамда ҳар бир номинация бўйича учтадан ўрин ажратилади.
Танловда иштирок этмоқчи бўлганлар қуйидаги ҳужжатларни тақдим этишлари керак:
– муаллифнинг паспорт нусхаси;
– таҳририят тавсияномаси;
– муаллифнинг манзили ва боғланиш телефонлари.
Танловга 2025 йилнинг 1 январь ойидан 2025 йил 1 октябригача бўлган даврда газета ва журналларда, интернет нашрларида эълон қилинган материаллар, эфирга узатилган телекўрсатув ва радиоэшиттиришлар 2025 йилнинг 5 октябрь санасига қадар қабул қилинади.
Танлов ғолиблари 11 ноябрь – Касаба уюшмалари куни муносабати билан ўтказиладиган байрам тадбирида тақдирланади ҳамда қимматбаҳо совға ва диплом билан мукофотланади.
Тақдим этилган ижодий ишлар ҳайъат аъзолари томонидан баҳолаб бўлингач, мукофотланганларни тақдирлаш маросимининг санаси ва вақти маълум қилинади.
Танлов иштирокчилари ижодий ишларини ҳамда ҳужжатларини Ўзбекистон касаба уюшмаларининг Самарқанд вилояти кенгашига тақдим этиши лозим.
Манзил: Самарқанд шаҳри, Шоҳи Зинда кўчаси, 249-уй.
Мўлжал: Собиқ Самарқанд банк коллежи биноси рўпараси.
Мурожаат учун телефонлар: 97-406-36-36, 99-779-11-61, 93-347-43-44, 93-330-24-04.
Ташкилий қўмита.
