143 нафар бемор соғайиб кетган. бу камми ёки…
Сил касаллиги ривожланиши беморнинг ёшига, инсон танасининг касалликка қарши кучига, асаб тизимининг ҳолатига, овқатланиш, меҳнат қилиш ва яшаш шароитига ҳам боғлиқ. Агарда беморда ушбу шароитлар мукаммал бўлмаса, сил микробактериялари юққанда касаллик ривожланишига олиб келади. Уйқу ва иштаҳа ёмонлашади, ишга лаёқатсизлик сезилади. Болалар эса инжиқ бўлиб, уларда озиш кузатилади, лимфа безлари катталашади, тез-тез калта йўтал бўлади. Агар кишиларда юқорида кўрсатиб ўтилган белгилар пайдо бўлса, албатта, ўз вақтида шифокорга мурожаат қилиш лозим. Ўпка ва юқори нафас йўлларининг сурункали касалликлари бор инсонлар ва узоқ вақт грипп билан оғриган беморлар қандли диабет, ошқозон ва ўн икки бармоқли ичак яраси ҳамда асаб касалликларига чалинган кишилар ҳар йили бир марта рентгенологик кўрикдан ўтишлари керак.
Ҳозирги кунда мамлакатимизда силга қарши курашишнинг янги босқичларига ўтилган, замонавий текширув ва даволаш усуллари мавжуд. Жумладан, биз фаолият кўрсатаётган вилоят силга қарши курашиш диспансерида ва туманларда болаларда силни эрта аниқлаш учун замонавий текширув – диаскен тест синамасидан фойдаланилмоқда.
Диспансерда 2017 йил мобайнида 259 бемор ётиб даволанган, уларнинг 143 нафари соғайганлиги туфайли диспансер назоратидан чиқарилиб, умумий амалиёт шифокорлари назоратига ўтказилди. Шундан кўриниб турибдики, сил хавфли касаллик бўлса-да, унинг олдини олиш мумкин. Бунинг учун касалликка қарши ўз вақтида эмлатиш, силнинг дастлабки аломатлари пайдо бўлган даврда зудлик билан шифокорга мурожаат қилиш зарур. Даволаш ўз вақтида, тўлиқ ўтказилса, бемор бутунлай соғайиб кетади.
Г.ҲАКИМОВА,
Т.ХЎЖАМБЕРДИЕВА,
вилоят силга қарши курашиш диспансери шифокорлари.
