Алиментдан қарздор шахс 120 соатлик жамоат ишларига жалб этилди
Бюронинг Пайариқ туман бўлими иш юритувида бўлган фуқаролик ишлари бўйича Чирчиқ туманлараро судининг 2017 йил 7 мартдаги қарори билан қарздор Н.Р. дан ундирувчи H.A. фойдасига икки нафар фарзандининг моддий таъминоти учун алимент ундириш тўғрисидаги ижро ҳужжати келиб тушган.
Бюронинг Пайариқ туман бўлими давлат ижрочиси Фаррух Райимовга кўра, тўловни унутиб қўйган Н.Р.нинг қарздорлиги 16 млн. сўмдан ошиб кетган. Лекин тўлов амалга оширилмаган. Олиб борилган ижро ҳаракатлари натижасида қарздорга нисбатан Маъмурий жавобгарлик тўғрисидаги Кодекси тегишли моддасига асосан маъмурий иш қўзғатилган.
Жиноят ишлари бўйича Пайариқ туман судининг қарорига асосан Н.Р. 120 соат муддатга ҳақ тўланадиган жамоат ишларига мажбурий равишда жалб этилган. Шунингдек, иш ҳақининг 50 фоиз алимент мажбуриятлари бўйича қарзларига йўналтирилади.
