Банкир кундалигидан: "Нега мижозлар банкоматдан чек чиқаришга чиқариб, кейин ерга ташлаб кетишади?"
Бир вақтлар пластик картани пул қилиш учун 15-20 фоиздан воз кечардик, керак бўлса, бир ойгача кутардик. Ҳозир эса истаган вақтимиз 1 фоиз эвазига нақт пул қилдириб олаяпмиз. Лекин саволлар кўп.
Биринчи савол: Мижозга банкомат чeки нима учун кeрак? Ҳар ҳолда кешбэк берилмайди-ку?
Буни бекорга айтмаяпман. Камералардан таҳлил қилиб турамиз гоҳида. 99 фоиз ҳолатларда мижоз ёки банкоматдан чиққан чeкни олмасдан кетади, ёки бир кўриб ташлаб юборади. Шу карта қолдиғини Банкомат экрани ёки телефонга келган СМС орқали ҳам билса бўлади-ку?
Иккинчи савол: Нима учун чeкни махсус чиқинди қутисига ташлашмайди?
Ҳаттоки қути тўлиб қолса ерга ташлашмасин деб, яна битта қўйилган жойлар бор. Ҳолат эса барибир ўша-ўша.
Расмга эътибор қилинг, иккинчи қути деярли бўм-бўш. Бу нақд пул банкоматга етиб келгунча қанақа жараёнлардан ўтишини, қанча харажат қилинишини тасаввур қила оласизларми?
Кимда қандай ечим бор, шунақа ҳолатларга доимий дуч келмаслик учун?
PS: Банк фоиз олаяпти-ку, керак бўлса тозалаб қўйларинг каби саволларга дарҳол жавоб: Масалан, биргина ўзим ишлайдиган Ҳамкорбанкдаги ҳар бир 24/7 киоска ҳар куни 2 маҳал тозаланади. Банк биносидаги банкоматлар доимий назорат қилинади. Лекин одамлар нега чекни аввал чиқариб, сўнг ерга ташлаб кетишларини умуман тушунмайман.
