Бразилия президенти кўчада овқатланишга мажбур бўлди
Бразилия президенти Жаир Болсонару COVID-19 га қарши эмланмаганлиги сабабли Нью-Йоркдаги ресторанга киритилмади. Бу ҳақда Reuters хабар бермоқда.
Давлат раҳбари АҚШга БМТ Бош Ассамблеясининг 76-сессиясида иштирок этиш учун келди. Ташкилот биносига кириш учун эмланганлик тўғрисида ҳужжат бўлиши шарт эмас, лекин Нью-Йоркда эмлаш сертификатисиз умумий овқатланиш биноларига ташриф буюриш тақиқланган.
Посмотреть эту публикацию в Instagram
Аввалроқ, Нью-Йорк мэри Билл де Блазио шаҳарга келаётган жаҳон раҳбарларини ташриф олдидан эмланишга чақирган эди. БМТ Бош котиби Антониу Гутерреш ҳам худди шундай фикр билдирди.
Бирлашган Миллатлар Ташкилоти Бош Ассамблеясининг 76-сессияси 14 сентябрда очилди. Сессиянинг асосий воқеаси - юқори даражали ҳафталик 21-27 сентябрь кунлари бўлиб ўтади.
