Чегара божхона постида психотроп таблеткалар ушлаб қолинди

“Жартепа” чегара божхона пости орқали қўшни давлатдан кириб келган фуқаро “яшил йўлак” орқали божхона назоратидан ўтаётганда, унга тегишли бўлган қўл сумкаси ичида дори воситалари борлиги аниқланган. Бу ҳақда Вилоят божхона бошқармаси хабар хабар бермоқда.

Холислар иштирокида фуқаронинг сумкаси кўздан кечирилганда, “Самналин Зопиклон” номли жами 90 дона психотроп таблеткалар борлиги маълум бўлган.

Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.