"Coca-cola" олиб кетаётган юк автомобили ағдарилиб кетди
Жорий йилнинг 26 август куни соат 7:00 ларда Сирдарё вилояти, Мирзаобод тумани ҳудудидан ўтган А-373 автомобиль йўлининг 17-километрида ҳайдовчи, 1962 йилда туғилган К.М. “Мерседес-бенц” русумли юк автомобилини “Тошкент–Термиз” йўналишида бошқариб кетаётиб, йўлнинг ушбу қисмида ёмғир ёғаётганлиги сабабли бошқарувни йўқотиб, йўл четига ағдарилган.
Оқибатда ҳайдовчи К.М. тан жароҳатлари олиб шифохонага ётқизилган.
ИИВ ЙҲХББ ахборот хизмати хабарига кўра, мазкур ҳолат юзасидан Мирзаобод тумани ИИБ ЙҲХБ томонидан суриштирув ишлари олиб борилмоқда.
