Депутат Феруз Насруллаев кўмагида Мингчинорда 5 та янги иш ўрни яратилади
Халқ депутатлари Самарқанд вилояти кенгаши депутати, O‘zLiDeP депутатлик гуруҳи аъзоси Феруз Насруллаев Булунғур туманидаги Мингчинор маҳалла аҳлининг муаммоларини ўрганди.
Мулоқотлар чоғида Мингчинор МФЙ раиси Саодат Аллаёрова ҳудудда тикувчилик, новвойхона, пишириқ цехи, аёллар гўзаллик салони, эркаклар сартарошхонаси ҳамда ёшларни касб-ҳунарга ўқитиш бўйича ўқув маркази ташкил этишга эҳтиёж борлигини айтди.
Депутат Ф.Насруллаев мазкур ташаббусларни қўллаб-қувватлаб, маҳалла марказидаги 1 та хонани тўлиқ таъмирлаб беришни ва тикувчиликни йўлга қўйиш учун 5 та тикув машинаси олиб беришни ўз зиммасига олди. Натижада маҳалладаги 5 нафар ишсиз хотин-қизлар доимий иш билан таъминланадиган бўлди.
Бахтигул ҚАРШИЕВА.
