ДТМ абитуриентларни сохта тест китоблари сотилаётганидан огоҳлантирди

Айрим телеграм каналларда Давлат тест маркази томонидан янги тест топшириқлари тўпламлари нашр этилгани тўғрисида маълумотлар эълон қилинмоқда.

Давлат тест маркази маълум қилишича, “Давр пресс” нашриёти билан ҳамкорликда 2019 ва 2020 йилларда умумтаълим фанларидан тест топшириқлари тўпламлари чоп этилган бўлиб, лекин 2021 йилда чоп этилмаган.

Абитуриентлар 2021-2022-ўқув йили учун олий таълим муассасаларининг бакалавриат таълим йўналишларига кириш тест синовларида фойдаланилган тест топшириқлари билан Давлат тест марказининг э-ДТМ тизими (@эдтмбот телеграм боти) орқали онлайн тарзда ва my.dtm.uz сайти орқали диагностик тест материалларига буюртма берган ҳолда танишишлари ҳамда ўз билимларини синаб кўришлари мумкин.